【業界意見】
新田有雞場雞隻離奇死亡，初步懷疑雞隻患上新城病，本港雞農及零售商暫不擔心疫情擴大，有雞農指，新城病疫苗已有多年歷史，只要準確診斷，即可以疫苗應付，相信不影響銷售；有雞販則指，死雞數量不多，若沒有擴散，對雞隻供應影響輕微，但相信巿民買雞意欲或受影響，銷量或減一成。
新界養雞同業會副監事長李良驥表示，本港雞農及政府部門應付新城病已有豐富經驗，「呢個唔係一個好恐怖嘅病，疫苗用得好，可以提升雞嘅抗體，就算病咗都可以好得番」。
預計銷量減一成
李良驥指有關疫苗已在港使用逾30年，「今次可能係農友個疫苗做得唔理想，起抗體起得唔靚，有軍隊『支援』咗佢之後，就可以打仗」。
零售雞販馬平龍亦指，若排除雞隻感染禽流感，今次事件對業界影響不大，「可能因為天氣太熱或者焗親，所以會病，香港雞場不嬲管理得好好嘅，今次影響唔會好大，可能減一成生意左右啦」。
馬解釋，全港養雞100萬隻，今次患病而死的雞只是1,000隻，對供應的影響亦有限，應不會明顯左右雞價。
《蘋果》記者