飛魚費斯（圖）終於成功復出國際泳壇喇！全國游泳錦標賽喺上周五繼續舉行，29歲嘅費斯喺自己嘅強項男子100米蝶泳中，雖然喺預賽游出本年最快嘅51秒17，可惜喺決賽就只游出51秒30，以0.01秒之差不敵細佢6年嘅舒爾斯，只得第2。不過，費斯憑呢個成績，已經可以參加於8月21至25日喺澳洲舉行嘅泛太平洋游泳錦標賽，挑戰國際泳壇。