五個女人一個墟，陳爽、鄭嘉雯、周家蔚、陳倩揚同陳茵媺呢五個女人有好多共通點，佢哋都係港姐出身，全部都結晒婚，做咗媽咪。噚日陳倩揚就上載咗成班難得聚頭嘅相上網，仲話大家有講唔完嘅話題。現時深居簡出嘅Aimee陳茵媺，外間有傳係湊仔狂，廿四小時都要對住個仔。嗱！事實証明，佢都有出街同正常社交，唔係傳聞講得咁誇張囉！仲要見到佢素顏出街個樣，都仲好靚！