【壹週刊】江希文同資深大律師胡漢清囡都生埋，但係去年胡漢清跟母親莊永楚發生金錢糾紛，令呢對母子反晒面，胡老太仲立定遺囑，一蚊都唔分俾佢兩母女。
兩母子反晒面外，連幫胡老太出面嘅白韻琹亦收到胡漢清律師信，話佢陪胡老太舉行記者會，係咪得到咩利益。白韻琹收信一啲都唔驚仲話只不過係幫個老人家啫，覺得佢好陰功，自問問心無愧。
其實自從兩母子為錢反面後，兩人已經一年幾冇見面亦冇聯絡。而胡老太亦同白韻琹透露已經立埋遺囑，大部分身家都留俾胡漢清跟前妻所生一對仔女。另外其他親人都有得分，就係江希文兩母女一個仙都冇。重要係江希文跟胡漢清雖然女都生埋，但一直未正式註冊，未肯俾個正式名分給江希文。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android