周汶錡（Kathy）與妹妹周麗淇（Niki）兩姊妹昨日現身中環四季酒店，出席Tsumori Chisato時裝騷，作為品牌代理的I.T老闆沈嘉偉帶了大女沈月睇騷。Kathy以bra top襯外套，性感程度小勝Niki。Kathy透露有兩年時間沒有與Niki一齊出席活動，記者笑言妹妹難度期，她表示：「佢個期畀另一半好過畀我，佢嚟我屋企食飯多咗，𠵱家少一齊行街買嘢，就算一家人去旅行都揀陽光與海灘地方休息。」
問到Niki會否接受情侶檔，與男友徐正曦出席活動？她表示：「最好唔好，唔係將私人嘢放出嚟，唔習慣。」再問她是否抗拒？她表示：「會怪，怕有衝突鬧交，可能價錢同劇本吸引，但盡量唔好，減少磨擦。」
採訪、攝影：林嘉慈