雖然已經立秋，但係天氣依然悶熱，好多女藝人都趁最後機會享受陽光與海灘，喺微博晒吓泳裝照。好似姜麗文(Lesley)同樂瞳，昨日就齊齊喺微博晒命晒身材，真係令人羨慕又妒忌。
現年28歲嘅Lesley就趁周末出海遊船河，仲喺距離岸邊嘅一個魚排留影。雖然背景唔係馬爾代夫，水清沙幼，但係見到佢着住粉紅色比堅尼，索爆身材，加上甜美笑容、濕漉漉嘅頭髮真係相當誘人。
同是28歲嘅樂瞳都喺微博po咗張比堅尼照，相中背景幽美似係境外亞熱帶地方，至於主角樂瞳嘅美好身段就要用放大鏡先至可以睇到，樂瞳喺個po度話：「興奮興奮興奮﹗﹗﹗」