【壹週刊】人有天生卷髮，原來雞也有天生卷毛，有香港食家寫過，呢種卷毛雞，味濃，肉質特別結實，不過市面唔見有得賣。記者收到風，深圳福田口岸附近，有間地茂食店，卻以食卷毛雞火煱而生意火紅，現場所見，三十幾度高溫下，竟然坐無虛席，一連四舖的食店連馬路邊都要擺埋枱，幾隻在雞籠內的生雞，確實隻隻卷毛。
待應表示，卷毛雞屬於掩雞，來自茂明雞場，在山頭放養兩年以上，所以每隻都非常碩壯超過五斤，按隻計售價一律四百五十元人民幣，計落要近六百元港幣，不過強國食客一枱卻點上兩隻，食得津津有味，鄰桌一班平頭裝男人說：「很好食，我們一個月最少來七、八次，卷毛雞再加野生水魚最補。」嘩！如此大熱天時，還要如此補身？
記者點了一隻，詢問待應要用什麼煱底，對方說：「食卷毛雞只會用礦泉水加薑片做煱底。」卷毛雞斬件上桌，放入等同白烚的火煱內，十分鐘後，果然肉香四溢，不過由於雞肉過於結實，必須手口並用才能享用，無牙力人士勿試，也許就是這原始的食法，才吸引強國人追逐卷毛雞的食味。
而根據一些動物研究資料，卷毛雞原來是基因特變物種，其攻擊性特別強，也稱為麒麟雞，內地有人用作觀賞或鬥雞，由於產量少，近年才有人拿來食用，至於食後有無覺得混身是勁，還是感到食咗隻怪雞落肚，而有心理不安，記者傾向係後者。
iPhone版下載： http://goo.gl/1SDaWF
Android版下載： http://goo.gl/xfQS8D