我求大俠諗唔少男球迷都憧憬過，另一半同樣熱愛足球，可以齊齊為愛隊打氣，就算另一半唔鍾意睇波都好，都希望對方可以尊重吓自己睇波嘅興趣。喺內地，有位叫「三分左手」嘅網民好幸運，雖然佢老婆唔睇波，但喺結婚當日，竟然送咗本手寫嘅中文版費格遜自傳畀佢，搞到佢好感動，要喺網上晒幸福。
心意感動中港網民
國內嘅曼聯球迷「三分左手」日前將呢份結婚禮物嘅相上載到討論區，之後留言：「這個是女朋友（現在的老婆）在結婚前送給我最後一件禮物。弗格森（前曼聯領隊費格遜）退休後，出了一本自傳。本來想馬上買來讀的，但是我英文不好，就想等中文版。女朋友知道了之後就幫我繙譯了這本書，並手寫了中文繙譯。老婆不看球的，很多東西術語壓根就不明白甚麼意思。真是很難為她！在我們登記那天，她送給了我這個禮物！非常感動！」
我求大俠見到啲相都忍唔住「嘩」一聲，雖然後尾有人發現，呢本自傳可能唔係「三分左手」嘅老婆譯，而係抄自其他網絡上嘅譯本，但我求大俠同唔少網民嘅立場都一樣，覺得一個女人可以抄成20萬字出嚟，打動我哋嘅唔係繙譯，而係佢呢份心意。後尾「三分左手」都出嚟解釋，係佢冇問清楚老婆，向網上嘅譯者道歉。
呢件事已成為近日網上熱話，傳遍中、港，好多人都好欣賞呢位老婆嘅心思，其中香港U-Soccer曼聯網網主小碧亦話，一個女人肯為另一半抄寫咁多字，的確令人感動，但佢話呢件事好難喺香港發生，因為香港人普遍睇得明英文。我求大俠想藉此恭喜「三分左手」新婚快樂。
自傳10月出新版
另外，費格遜自傳將會喺10月出新版，新加嘅內容包括近一年發生嘅事。外界最關心嘅係，費格遜點睇上季曼聯嘅「莫耶斯之亂」。到時新版後，又唔知「三分左手」會唔會又收到一份令人感動嘅禮物呢？
網民反應
zhangjungny：「同樣是老婆，差距怎麼就那麼大，老頭子退休後，我也想買本留作紀念，我老婆說：你又看不懂。」
啷裏革狼：「你老婆還有妹妹沒有？」
bixente：「在這個打字聊天都超不過70個字的當下，有這樣一個女孩為你手寫出這麼一大本書，每個字都浸透了愛，字如其人，姑娘應該也很漂亮。這個恩愛秀的好！得妻如此，夫復何求。」
資料來源：虎扑