現年50歲嘅龔慈恩，年輕時迷倒唔少異性，15年前佢嫁咗俾台灣演員林煒，之後就生咗長女林凱鈴（Ashley）。日前龔慈恩帶埋14歲嘅Ashley一齊出席首映，亭亭玉立、身材高瘦、眉清目秀兼且遺傳埋媽咪嘅美人胚子，睇落仲有幾分似台灣模媽吳佩慈。
龔慈恩前晚喺微博再分享咗幾張囡囡Ashley 嘅靚相，見到呢幾張相，令人諗起嘅就只有「青春真可愛青春，珍惜你光陰似金……」或者「青春無敵」。相信已經有唔少廣告商或者片商睇中Ashley，之不過龔慈恩就話阿女仲細，對於入唔入娛樂圈仲係好遠嘅事，要先讀好書，裝備自己喎。咁粉絲們再耐心等幾年啦。