雲高爾(圖左)成為曼聯新帥後,成班波生猛晒。禮拜四佢去咗一間位於柴郡叫Costa Coffee嘅咖啡店嘆茶,呢間咖啡店嘅口號係「我哋做得更好」,咁啱佢坐個位又喺正句口號下面,即時予人無限聯想佢可以令紅魔重振雄風。話時話,尹佩斯(小圖右)都喺附近出現,但就同領隊雲高爾撞唔到,睇嚟兩師徒真係心有靈犀。另外,曼聯揚威完美國捧走國冠盃後,佢哋班師弟都好醒,禮拜四晚喺曼市青少年高級盃以4:1擊敗死敵曼城,其中喺上季季尾冒出頭嘅占士威爾遜仲入咗4粒㖭。