近年主要打理有機種植的廖偉雄（阿燦），即將重出江湖，被網民封為「燦神」的阿燦，昨日與朱紫嬈、張武孝、魯芬出席在灣仔舉行的音樂劇《那年五月》記者會，阿燦更以劇中警察造型亮相，當監製黎文卓叫阿燦及朱紫嬈兩位主角合照時，阿燦抵死表示：「我唔係收主角（價）錢㗎喎！」
「我好恨錢㗎！」
阿燦接受訪問笑稱：「黎文卓打嚟叫我救命，佢上嚟同我傾，有女有舞女，不過大陸應酬好正常嘅。」談到朱紫嬈笑稱怕招架不住他，阿燦表示：「點會接唔到？我哋唔係亂咁射嘢人接嘅，係要共同發揮得好。」問到阿燦是否多多錢也打動不到他復出，今次只為幫朋友？他笑言：「我好恨錢㗎！」他又透露如果今次他演出反應好，明年會藉着《笑聲救地球》25周年而辦「演笑會」，更會找來拍檔胡大為，他說：「佢發咗達，𠵱家係荷李活大導演，希望笑聲唔單止救到地球，都救到香港。」