民主黨乳鴿許智峯同黨友吳兆康，噚日同約10個街坊，去早前1,600隻大熊貓出沒嘅PMQ元創方請願，話PMQ明明係政府活化建築物，而𠵱家又唔開放有遺迹嘅歷史詮釋區同公共空間、拒絕租出場地畀社區人士用，同埋營運時候嘈到拆天又唔肯同區內人士傾，PMQ變SOHO區，想點先？有居民話，酒吧開音樂同食客聲浪太大，「成何體統呢？」
不過，喺示威行動後約20分鐘，PMQ即安排約見民主黨。
PMQ話基於消防安全考慮，地庫嘅歷史詮釋區每次參觀人數最多15人，截至上月底，參觀人次接近5,000，𠵱家已撥出一個會議室，畀附近業主立案法團開會用，公共空間周一至日，朝7晚11任用。PMQ建議下個月，區議會復會後首個會議可以討論吓。