【本報訊】零售市道轉差，一線舖位業主睇淡後市。市傳銅鑼灣波斯富街78至82號地下A舖，建築1,200方呎，叫價由6.8億元劈至5.5億元，減價近兩成。舖位由米蘭站（1150）主席姚君達私人持有，他接受訪問表示：「收緊147萬元租，點會賣5億幾呀！」但他不諱言：「之前無諗住賣，𠵱家有6字（億）頭都會考慮。」
周大福147萬續租
姚君達解釋：「以前位處呢啲舖月租由100萬嗌到200萬都租到㗎嘛！今日我睇，唔會囉！好明顯租金唔會有好大升幅，爆上去嘅機會係無。個舖啱啱續租，月租147萬元，應該定咗㗎啦，（周大福珠寶）再簽新租約，應該唔會有好大變化……所以價錢可觀，會諗下賣咗佢。」
他又談及零售市道轉差，該舖減租經歷，「個舖之前傾開月租166萬元，但是同個租客周大福咁多年老友，大家都知道𠵱家咩市況，人人都調整緊，咁我都調整啦，最終月租約147萬元，租金加幅約15%。」
三年前他向永亨銀行（302）以2.91億元買入該舖後，曾表示長線收租，「唔係好捨得賣」，但今日他笑說：「我唔會同物業談情，一日未賣，都係未到價啫！」
消息稱，銅鑼灣波斯富街69號地下，建築約800方呎，以月租72萬元租出，呎租約900元，較舊租約75萬元，租金跌約4%。租客經營鐘錶。業主由譚惠珠家族於1972年持有至今。另華懋沙田崗背街1至3號部份舖位，以約1.2億元沽出。