提起北韓，除咗肥仔領袖金正恩，同埋1,600萬人食唔飽兼冇自由，你仲會諗起乜嘢？如果想知道多啲北韓人權狀況，可以留意吓脫北者關注組、國際特赦組織香港分會同埋北韓戰略中心喺8月22至24日搞嘅「北韓人權電影節2014」。
韓劇大家就睇得多，有冇興趣睇睇描述北韓人權狀況嘅電影？其中一套戲《14號集中營：完全控制區》講述脫北者喺14號集中營嘅故事。呢個集中營係個「完全控制區」，面積有如一個城市，裏面關押咗4萬個囚犯，遭關押者永不會獲釋，要喺度監禁至死。
呢套戲會8月24日喺城市大學放映，之後仲會有脫北者分享會。呢個電影節總共會播放三套電影同會有兩場分享會。有兩位脫北者仲會親臨現場，分享佢哋喺集中營嘅生活同埋逃離北韓嘅經歷。想報名可去以下網址 http://www.amnesty.org.hk。