【亂噏24 第56集】林芊妤（Coffee）早前與上市公司董事林知譽在ifc傷殘人士專用廁所內纏綿，形象受損之餘又被無綫炒魷。Coffee慨嘆昔日演慣壞女人，形象太深入民心，她又自問不是「發姣的女人」。讀者可在 http://bit.ly/appletalk24重溫《亂噏24》。
撰文：馮國康
服裝:ANTEPRIMA
林芊妤當日因ifc廁格gathering事件一舉成名，同時引起外界無數揣測，Coffee在《亂噏24》中再次強調當日甚麼事也沒有發生，她純粹跟着對方入廁格：「其實好簡單成件事，我唔舒服，想嘔。跟住佢（林知譽）掹咗我入廁所度畀我嘔，扣喉都嘔唔出，之後我企起身佢錫我，已經有人開始拍門，我就同佢講咗嗰啲嘢。之後又有人再拍門，我估係清潔姐姐，咁我就話返咗屋企先。之後一出去就『擦擦擦擦』（影相）。」
匿埋諗過死
究竟Coffee當時在廁格做了甚麼，讀者可自行判斷，柳俊江則比較關注整件事的背後意義，因現今社會似乎接受到將「壞事」當作逆向宣傳，Coffee也認同：「發生呢件事，我以為喺我世界會係山泥傾瀉，以為會就咁沉落去。嗰幾日我好sad，冇出街、唔肯食嘢、唔肯見人、又唔肯沖涼刷牙洗面，淨係喺度喊。」最失意時，她甚至反問自己可有勇氣尋死，但又覺得這樣會辜負家人，猶幸最終沒做儍事。
Coffee雖多番強調沒事發生，但自覺愧對家人。柳俊江問她的雙親對此事有何看法？Coffee說：「我阿爸好古老石山，梗係鬧到飛起啦，喺林氏家族群組入面話以後冇面見人。」原來其父當初不准她入娛圈，Coffee惟有承諾絕不行差踏錯，也不會揑造新聞：「因為我想畀屋企人見到我一步步咁行上去。有啲人覺得我今次炒作新聞，因為我一路紅唔起，但要夾都唔使等到𠵱家先嚟夾。同埋我都叉咗半隻腳出去，我已經係瑜伽導師。唔需要再拍劇咁辛苦，鍾意接就接。」
自覺每天都在進步，Coffee認為毋須靠炒作增加知名度：「雖然我冇後台，雖然冇去擦鞋，但都慢慢多咗人識我。啲人喺街度會同我影相，會嗌得出我個名，我滿足㗎啦，唔需要有呢啲負面新聞。」
盼赴印潛修
沒有後台的代價，就是一出事即被公司炒魷，同樣捲入負面新聞的馬賽似乎比Coffee幸運得多。柳俊江問她可有覺得做藝人必定需要強勁後台？Coffee沒有答案，只道出被炒可能是自己問題：「有乜事我會諗自己有乜嘢問題先，我覺得唔好同人比較，都過咗去，最緊要將來係點，我唔覺得離開係唔好嘅事，咁就足夠。」其實Coffee早已不在乎無綫的工作，原本打算年底約滿後便不再續約，專心發展瑜伽事業，又計劃去印度潛修一個月。怎料發生廁格事件後，Coffee的工作量突然暴增，她不得不擱置計劃，引證了人算不如天算。
娛樂圈始終是複雜圈子，藝人一天在燈紅酒綠的環境打滾，都難免會再行差踏錯。柳俊江問Coffee可有考慮過永久退出娛圈，從此過着新生活？她說：「其實我離開緊。𠵱家做嘅嘢都係為咗瑜伽宣傳，但我發覺唔係逃避就得，你要搵我有幾難，香港有幾大？」她覺得始終要面對群眾，並要為事件澄清：「我要為屋企人澄清，唔可以俾人誤會教到個女咁。每個人都會犯錯，但係咪所有錯都關阿爸阿媽事先？」Coffee似乎歸咎出街片段做過手腳：「因為件事同出街已經差兩個禮拜時間，咁兩個禮拜做過啲乜我唔知啦！」
Coffee又稱林知譽不清楚她是藝人，只知她是瑜伽老師，她也不清楚對方背景：「我其實唔係好鍾意講我係藝人身份，驚講完之後唔知個男人為咗乜嘢接近我。」
搵錢最實際
現年24歲的Coffee，坦言現階段覺得「愛情」很無謂，現時還是「搵錢」最實際，也希望讓家人活得更好：「呢段時間我咁負面，但反而多咁多人搵我做嘢，條件又咁好，我冇可能推。」她又慨嘆從前是茄喱啡，沒人會留意她的真我一面，只在意她在戲裏的角色：「可能覺得Coffee係姣婆、壞女人、暴露、冇餡。」
柳俊江打趣的問：「本身有冇呢啲元素喺你底子入面先？」Coffee否認：「其實我份人好man、好癲，好容易同人get close，但唔係好姣嗰隻！」
常言道塞翁失馬焉知非福，Coffee經歷事件後令她快速成長，她說：「自己比之前成熟咗好多。我慶幸自己跌得早，仲有時間爬番起身，如果三十幾歲先發生，可能就毀咗一世。」柳俊江叫Coffee不用擔心，因為港人最善忘，Coffee認同：「我發覺有啲人記得我叫Coffee，但唔記得咗嗰件事。」她又學懂拿gathering一事自娛：「好開心自己創造咗個潮語，雖然件事好負面，但我覺得做人要positive，起碼我帶到好多歡樂畀大家。」
gathering教主現身 coffee同你短敍談心
http://bit.ly/talk245601
佔領殘廁做啲乜？又嘔又錫乜都得
http://bit.ly/talk245602
廁格大戰有疑點？ 「造新聞唔使等而家」
http://bit.ly/talk245603
仔女犯錯攬上身 可憐天下父母心
http://bit.ly/talk245604
coffee想死 一句話救返出鬼門關
http://bit.ly/talk245605
港女拍拖好無謂 搵錢至實際
http://bit.ly/talk245606
電視台大細超 Coffee︰佢就攬、我就斬！
http://bit.ly/talk245607
冇後台難上位 打工仔哀歌
http://bit.ly/talk245608
PK要P得早 30歲前咪怕跌倒
http://bit.ly/talk245609
遇淫照性醜聞 藝人點企返起身？
http://bit.ly/talk245610