周融搞的反佔中簽名已有逾100萬人簽署，周融及部份建制派為此而沾沾自喜，但泛民主派至今未見對這場建制派「大龍鳳」有太大反應。有泛民中人對季陶說，其實有些泛民中人認為，反佔中簽名人數破百萬，某程度上是為泛民否定有篩選普選提供「子彈」，反佔中越多人簽名，北京就越沒有理據提有篩選普選！
季陶問這名泛民中人，為何有此奇怪「解讀」？他笑言2012年立法會選舉，投票人數逾180萬，投票率為53.05%，其實一直以來，活躍選民大約是登記選民五成左右，周融搞的反佔中簽名，聲稱有逾100萬人參加，而且簽名人數不斷上升，「我哋信晒周融㗎，100萬人簽名冇水份，真係有咁多人支持北京同建制派㗎！不過有成100萬人撐佢哋，已經佔活躍選民過半，假如有真普選，就算泛民出余若薇，都唔夠票贏佢反佔中嗰100萬人！北京仲有乜理由提有篩選普選？」該泛民中人更笑言，大可叫周融出來代替梁振英選特首，「佢一個人統領成個建制派，叫佢選有100萬人支持佢喎，勁過梁振英！」
建制派人眼紅周融
另一商界中人也說，其實建制派內也有人眼紅周融，「佢一味夠面皮厚、夠無恥、所以西環睇中佢，但成個行動不論人、錢都唔係佢，佢就攞晒彩！」該商界人士直言，今次反佔中後，難保周融不會再「食住上」，再藉其他名目「撈着數」！
季陶