最近中港矛盾激發不少社會問題，尤其是內地自由行的消費力，帶動商舖的租金上升了不少，生意人未必可以捱得住，加上兩地文化差異，亦令港人怨聲載道，矛盾進一步惡化。著名時裝設計師鄧達智（William）昨日在本報副刊刊登的專欄上，撰寫了一篇《頂唔順，全體港人齊罷工》的文章，結果引起不少迴響！
William在文章說：「這個城市變得面目全非，本來生氣勃勃換來濕滯、漏氣、邋邋遢遢似足隔夜油條，跟過去硬朗挺直的青瓜形象相去太遠！」在結尾更道：「自由行益了某些商人，卻要整體港人陪葬。」昨日William在電話中，被問是否因近年環境有變而有所啟發？他說：「我諗係兩方面，首先面對咁大棚自由行，當然唔係每一個都差，但係一粒老鼠屎搞壞一鑊粥。」他續說：「其實過去嚟講香港都係旅遊城市，遊客乜嘢人都有，但問題係過去嘅遊客你唔覺得會帶來咁大衝擊，唔可以話唔關自由行事，某程度上對香港經濟係好，但係如果佢哋唔守規矩就真係好難頂囉！」
斥政府無相應對策
至於呼籲港人罷工？他坦言因見到救生員罷工而有感而發：「用罷工呢樣消極態度，話畀人聽我哋真係頂唔順，政府剩係叫我哋包容有乜意義，要做番一啲嘢令我哋個心『gur』啲。」他還說：「𠵱家連新界都癲埋，有啲零售商同業主得益囉，但對其他sector係打擊。自由行係一個問題，但政府冇一個相應政策係更加大問題。」此外，葉蘊儀（Gloria）昨日出席又一城活動，亦被問到此事，她說：「之前見到救生員罷工爭取合理薪金，外國都好多人會爭取自己權益，只要唔牽連到市民係冇問題。」
採訪：唐如、盧妹
攝影：陳俊強
