做得球星，私生活檢點啲好，網上世界咁發達，俾人揸住痛腳就唔好啦！好似阿根廷前鋒拿維斯咁，日前就有一輯淫照喺Twitter流出，其中一張同女伴玩制服誘惑，赤裸上身戴頂差人帽，算冇乜嘢，但重口味啲嘅親密照，就要打格仔喇。據講拿維斯部手機俾黑客入侵，啲相先流出，事件同我哋香港娛圈發生嘅事咁似嘅？唔知佢使唔使學嗰位女藝人，喊住咁出嚟澄清，再申請禁制令呢？