【本報訊】國務院發表《白皮書》至今兩個月，一班律師動議罷免律師會會長林新強，在法律界捲起巨浪。發起人之一，「三人核心小組」要員吳少雲指，林新強令業界顏面無存，希望藉此引發律師會管理層反思，「就算動議過唔到，起碼歷史裏面有紀錄。我哋打定輸數之後，都覺得值得做。」她笑言，核心團隊是一班志同道合的「儍瓜」，今次無疑是以卵擊石。
不信業界為生意棄原則
林新強公開撐白皮書，又指自己的言論代表律師會，激發很多律師在facebook寫上「林新強不代表我」。吳少雲等人對林屢次失言忍無可忍，終於揭竿。他們兼顧律師樓工作之餘，有人要湊仔或照顧患病家人，上班前還要開會、聯繫行家，吳笑稱「踩咗落個氹」。
對於有律師以「團結」為由反對罷免，吳反駁，動議旨在促律師會撥亂反正，團結不等於容忍、包庇。
吳少雲也不相信業界會為內地生意而放棄原則，「好多行唔係靠大陸，係靠國際市場，呢班人嘅生計呢？外國或者大陸公司都揀香港做仲裁調解中心，就係信有法治」。
當初決定向傳媒開腔表態，吳少雲內心經過一番掙扎，「講嘢唔係淨係諗自己，我都有間行，我老闆會點睇？但係我有righteous cause（大義），有人唔跟程序，公器私用，一定要有人出嚟做嘢。」業界反應意外地踴躍，有律師對她說：「我頭髮開始白，要出嚟做番啲嘢。」