F1𠵱家進行緊為期1個月嘅季中小休，麥拿侖車手畢頓（圖）冇把握放假機會同未婚妻道端拍拖休息吓，反而飛咗去菲律賓，參加對體能要求一樣咁高嘅三項鐵人比賽。畢頓喺所屬嘅男子30至34歲組別攞亞軍，仲勁過F1上半季個人最佳成績、澳洲站嘅第3名。總成績計，34歲嘅佢更加喺1,675位參賽者入面，第11個衝線㖭，勁呀。