【本報訊】退出樂壇20多年的女歌手露雲娜（圖右）去年新婚後復出主攻發燒天碟，她強調「一係唔唱，要唱就要唱到最好」，今次與丈夫合作「Perry Martin Audiophile CD Featuring」新碟用了半年時間製作，「慢工出細貨，得出嚟效果同一般CD好唔同，聲音靚好多，以前錄隻《荳芽夢》，因為趕出街，一晚就搞掂，效果冇得同發燒天碟比」。
露雲娜笑言，與丈夫合作新碟，因大家心靈相通，事半功倍，其中一首歌《Longer》是與Perry在家中花園自彈自唱選出來，「呢首歌啲歌詞，係我哋寫照，愛得有幾深」，路雲娜接受訪問期間更情不自禁與丈夫唱起來。Perry則推介《I will》，並打趣說：「老婆唱呢首歌好清純，把聲好似18歲。」惹來露雲娜大發嬌嗔。
露雲娜表示，唱片內每一粒音符都是製作人的心血，樂迷應以輕鬆心情享受發燒天碟，「要安靜坐喺屋企，斟杯紅酒，瞌埋眼聽每一粒音符，咁樣先係真正聽歌」。