曼城啱啱結束美國之旅，返到英格蘭之後，又要開始備戰下星期日對阿仙奴嗰場社區盾；而新兵沙格拿（右）放完世盃後嘅悠長假期，星期二終於去咗球會報到。話晒係沙格拿第一次正式同一班新隊友見面，佢嘅老友兼前阿仙奴隊友拿斯尼（左）就幫手做中間人，介紹佢畀領隊比歷連尼（中）同其他隊友認識，認真老友鬼鬼。