雲高爾今夏上任成曼聯新帥後，就即刻幫球隊喺美國捧走國冠盃，個頭似乎開得唔錯，但利物浦領隊羅渣士就潑佢冷水，叫佢咪咁快開心住，之後有排佢受。
羅渣士話：「我認為雲高爾好快就會發現，英超同佢之前教過嘅聯賽好唔同。大部份聯賽係由一、兩支球隊玩晒，但係喺英超就好唔同，榜首球隊有可能會輸畀榜尾球隊。呢個聯賽肯定會令佢大吃一驚；之前我同唔少外籍領隊傾過偈，佢哋都好認同英超的確係爭持激烈。」另外，利物浦周三借得馬體會後衞查維文基路，而且喺周二終於將佢哋唔想要嘅西班牙國腳門將連拿，以平價嘅250萬鎊賣畀拜仁慕尼黑，只要現年31歲嘅連拿通過體測，交易就可落實。