【壹週刊】農曆七月鬼門關大開，影帝張家輝就拍咗套鬼片《盂蘭神功》應一應節，不過唔好嚇親住，其實盂蘭節已成為香港人集體回憶，盂蘭食品更加係潮州人獨有文化。
九龍城呢間潮州糕餅店貴嶼仔，已經開左超過半個世紀。老闆楊子儀，五十四歲，係第二代傳人。佢爸爸來自潮州貴嶼鎮，所以間鋪叫貴嶼仔。
楊老闆每年都會製作獨一無二既盂蘭食品，例如乳豬、雞、魚形狀糕餅。佢表示「架ge冷」好重視呢個悼念先人嘅日子，「譬如好似呢啲五牲，五牲就係佢哋盂蘭節拜神嘅物品，有時會連金錢都拜，糖塔，拜祭用，好似塔型嘅果啲係風水塔，呢個係模仿風水塔，有好多文化都關乎人民生活，慢慢發展。」
盂蘭節專用糕點，講究賣相同擺位，同風水亦有關，「有啲叫金錢糕，成盤既，平時人們唔會成盤買嚟食，其實好多都係平日食用既，去到盂蘭節酬神時，就會裝成一盤好大嘅，變左適合神食用。」
iPhone版下載： http://goo.gl/1SDaWF
Android版下載： http://goo.gl/xfQS8D