莊永楚與兒子資深大律師胡漢清母子去年因錢反目，又與新任新抱江希文不和，事後胡母取回上海大屋和500萬現金，一直撐胡母的白韻琹，日前接到胡漢清的律師信，要求她披露在事件中是否獲益。
昨日白姐姐在電話中淡定說：「佢指控我破壞母子感情，令佢損失好多錢，佢媽媽搵姪女打畀我，叫我唔使理佢，胡媽媽話有佢好多痛腳。」白姐姐坦言收過胡母一隻戒指，但並不是鑽戒，笑言的確在事件中獲益，就是與胡母情如媽媽、家姐般，她說：「胡媽媽話已經當冇生呢個仔，仲寫晒遺囑，九成畀胡漢清同前妻生嘅兩個孫，其他少少畀醫院同姪女親人。如果告上法庭，胡媽媽話願意做證，我點會驚，我驚任何人都唔驚佢。」
採訪：皓騫