狼英又放假喇！農曆七月十四既係「鬼節」，又係佢農曆生日，雖然就唔多「老利」，但身為「離岸特首」嘅佢仍然把握機會，請咗幾日假出埠賀一賀。數數手指，由年頭開始到𠵱家，狼英唔經唔覺放咗5次夾埋成36.5日假，唔通佢真係唔使做？
非也！作為全港最高級嘅打公仔，689有佢特別嘅請假技巧，就好似今次咁樣，因為五天工作周關係，只要請3日假，就可以放足5日。
網民：長放唔好返嚟
八方幫佢計過條數，扣埋公眾假期同埋例假，佢實際上只係請咗19.5日假，以行政長官一年有22日年假去計，仲有成2.5日可以放，真係去多次旅行都仲得。香港人，亦要好好珍惜呢2.5日喇。
網民對狼英又放假意見多多，個個都問點解佢成日都有假放，有人就估會唔會係囡囡齊昕又準備影相，急住去英國影多次全家福。
亦都有唔少人對佢放假表示歡迎，仲建議一直長放唔好返嚟，「香港人一定批准」。