徐淑敏（Suki）本月1日剖腹生下6磅8安士女兒Isabella，住院5天昨日下午出院，丈夫黃浩帶同大女心瑤（Vianna）及二女心柔（Renee）一同迎接黃家新成員，一直在睡覺的Isabella由Suki抱着，一家五口在養和醫院門外合照。昨天黃浩更出動名下兩部名車接送，兩公婆難掩喜悅，問到心情如何？Suki說：「好開心啦，頭先見到三個女一齊，家姐好錫妹妹，好開心，佢話好鍾意妹妹。」
細女樣似爸爸
Suki精神不錯，問到生第三胎是否較容易？她說：「其實同之前兩個差唔多，多謝佢（老公）陪住我，有啲乜嘢佢都幫我搞掂。」黃浩表示今次是他第一次剪臍帶，令他印象深刻，還笑說：「有啲嘢唔敢食住。」問細女似誰？Suki說：「其實未睇到，希望佢似我，呢一刻都係似爸爸多啲囉，因為佢哋三姊妹都好似樣，啲朋友嚟探BB都話佢好似大家姐。」
Suki今次會繼續餵人奶，是否會繼續追仔？Suki表示知道老公心意：「我知佢想追多個仔，不嬲我都好錫老公，盡量啦！」而黃浩亦體貼老婆：「唞幾年先，隨緣啦，唔好咁急。」
採訪、攝影：藍文浩
