踢過烏克蘭超聯嘅塞爾維亞中堅保贊馬列錫（圖），噚日首隨南華試腳就贏得教練楊正光高度評價，相信可獲一紙合約。呢位有啲似「狼人」嘅守衞一身紋身，都算係港超聯之最。29歲嘅佢話約滿烏克蘭賀華拉後，原本想去希臘落班，但經理人話南華搵中堅就即刻嚟試腳；問佢點解唔去歐洲搵食？佢話好鍾意亞洲文化，有機會就要嚟香港感受吓喎。