鄭嘉穎作為大台親生仔，對於林峯前日宣佈離開無綫回復自由身，任意可以用廣東話接受電視台訪問。嘉穎昨日在九龍灣拍新戲時力撐林峯離開這個決定很正常，但他個人則暫時未有離巢打算，因為不懂自己接工作，他說：「呢個係個人決定，但我覺得佢（林峯）有呢個決定都正常，因為佢想喺唱歌嗰方面發展多啲。」
嘉穎當年都是歌手，問他可希望再推出唱片？他即自嘲自己不是別人對手，客串玩玩還可以。
新片造形似Law霸
而有七年沒有拍電影的他，昨日拍攝在車與車之間不斷穿插的鏡頭，造型有當年拍劇演「Law霸」的影子，嘉穎說：「導演就係想要嗰個感覺，其實今次係演一個億萬富豪，想個仔知道錢唔係萬能，所以做咗好多嘢，而劉心悠會飾演我過咗身嘅太太，都有啲場口會一齊拍。」
阿佘拍戲重質素
另外，佘詩曼前晚深宵於九龍城替劇集拍宣傳片，對於林峯離巢後，小生越來越少，阿佘不認同，她說：「𠵱家都有陳豪、黎耀祥、馬國明同郭晉安，都有好多男演員。」 而她稍後會赴英國拍攝《衝上雲霄》電影版，在當地逗留一個月，問到會否賺少好多錢？她笑言沒關係，本身重視質素多一點。
採訪、攝影：藍文浩