2015年區議會選舉倒數一年，各政黨都為選舉積極備戰。民建聯今年嘅路向營，鐵定喺10月嘅某周六、日舉行，一如以往喺深圳集體腦震盪，費事啲黨員喺香港會因為其他公務，致參加路向營時出出入入分心！
民建聯每年路向營都邀請唔少政壇中人到場分享，2012年4月就請過時為候任特首嘅狼英大談未來藍圖，當年被認定狼英到場旨在揀蟀入政府做副局長或政治助理。兩年過後，佢哋輪到請同樣有可能成為特首之選嘅政務司司長林鄭月娥（圖）做講者，相信林鄭屆時會分享吓管治之道。據聞民建聯仲想搵溫和民主派做嘉賓，想知「反對派」對「保皇黨」有乜意見喎！