過去十年，市場不時傳出「超人」李嘉誠與長子李澤鉅有意投資航空業，加拿大航空、甘泉同埋春秋航空都傳過，唔係冇下文就係否認。上周五 （1日）外電傳佢哋透過長實（001）競購愛爾蘭飛機租賃公司Awas若干飛機，呢次長實終於出通告承認有意思。
講開呢單消息，外電爆料之日係李澤鉅50歲牛一，平時傳媒問親佢睇緊乜嘢收購項目，佢例牌滴水不漏，怕引人注意搶高個價，呢次撞正牛一被人爆料贈興，唔知佢高唔高興呢？
根據資料，李澤鉅8月1日出世，屬於獅子座，超人7月29日生日，咁啱都係獅子座。換言之，佢兩父子唔單止同樣生肖屬龍，星座都一樣。獅子座最大特點係鍾意成為別人焦點，愛面子；同獅子一樣具領導才能，鍾意指揮別人，不過容易變成自以為是囉。