【記者梁煥敏、陳嘉穎報道】搭枱定唔搭枱？最低工資實施後，酒樓經營成本上漲，業界為求生存，近期變招設「混搭模式」，即分為「搭枱區」和「不搭枱區」，不搭枱區消費較高，客人或要多付茶錢，個別酒樓的點心亦不同價；更有部份連鎖酒樓為求「做多幾轉」，規定客人一定要搭枱。
香港大大小小酒樓逾百間，除了傳統酒樓如中環蓮香、元朗大榮華多年來規定必須搭枱外，就連業界龍頭之一的稻香集團及連鎖酒樓海港飲食集團等，部份分店亦加入「必搭」行列；其餘酒樓則變出新招設立「混搭模式」，即分為「搭枱區」和「不搭枱區」，惟茶位或點心價錢有所不同。
「富貴廳」茶錢點心較貴
記者調查發現，加設「混搭模式」的酒樓如土瓜灣漢寶，每位茶錢加2元，旺角福苑火鍋海鮮酒家則按每枱座位收茶錢，如一人坐兩位枱收兩位茶錢，三人坐四位枱收四位茶錢，餘此類推。
位於石硤尾的多彩皇宮酒樓搭枱及非搭枱點心出現不同價，記者於早茶時段視察，發現不搭枱的客人會被安排到「富貴廳」，侍應遞上一份富貴廳專屬菜單，提醒除了茶錢會貴1元外，點心價格亦會較搭枱區貴，但她表明：「如果唔想嘅話，可以過番搭枱區！」
記者分別在搭枱區及非搭枱區叫了小、中、大、頂點各一籠，結果非搭枱區埋單為95元，較搭枱區的75元貴約27%。同區的彩龍酒樓則可選搭枱或不搭枱，點心茶錢同價。
多彩皇宮酒樓歐經理解釋兩者只為客人有更多選擇，若不搭枱只加茶錢難以彌補減少的生意額，因此只好把非搭枱區的點心價格略為增加。
巿民對搭枱與否反應兩極，李小姐認為酒樓搭枱區和非搭枱區的環境分別不大，但點心價格差異太多，並不合理；蘇小姐則認為不搭枱較好：「講嘢冇咁收收埋埋，搭枱就要就住，驚死隔籬聽到，私隱俾人知道晒。」
業界指最低工資增成本
國際飲食聯合總會創會會長、新光集團創辦人胡珠表示，自最低工資實施後，成本不斷上漲，業界已有聲音要求全部客人搭枱，增加顧客流量及收入，而旗下新光酒樓近年亦開設更多搭枱區，但高級行政人員等大客表明不想與陌生人同桌用膳，故仍保留少許非搭枱位，每位茶錢只酌情增加2至數元不等。由於每間酒樓做法不一，但已盡量平衡各方需要。
