感情生活一向都係多姿多采嘅李詩韻，前日凌晨喺中環同西裝男蹺手拍拖斷正，搞到佢即場發𤷪𤺧，不過話晒拍拖係開心事，轉個頭就喺社交平台自爆戀情。噚日李詩韻喺馬鞍山出席活動，大家梗係繼續追問佢嘅新戀情，對男友讚不絕口嘅李詩韻笑笑口話：「我哋啱啱先開始，今次公開戀情真係好冒險，佢始終係圈外人，總之我男友喺美國創業，都幾叻仔，對我好好，就係講咁多啦！」講到佢點樣識呢個男友？李詩韻唔肯講，只係話：「咁公開唔係一件容易嘅事，我都係第一次公開，佢都唔係成日喺香港，希望大家畀多啲空間。」
視對方為結婚對象
李詩韻承認會當對方為結婚對象：「有呢個潛質，都係有先會講。」咁唔怪得嗰日俾人影到拍拖，個樣好竧𣉢，又喺度行上行落，睇嚟真係好維護男友，佢就話：「又冇話係維護邊個，身邊啲朋友都驚咗我，企喺我身邊嘅異性都會俾人起底，我只係唔想再有呢啲事發生，希望大家唔好騷擾我另一半。」佢仲話：「𠵱家男友飛咗返美國，我反而覺得異地戀都好好，起碼唔使成日喺香港面對啲壓力！」
撰文：馮仁昭
