當你見到對手嬲到爆，直情想一拳打埋你度嗰陣，你會點幫佢冷靜？喺上星期三嘅巴西盃比賽，巴乙球隊施亞拉後衞辛度就用咗個基味濃嘅方法，以平息國際體育會前鋒拉菲爾摩拉嘅怒火。佢兩個喺比賽中多次碰撞，越踢越火，去到第3次衝突後，拉菲爾摩拉已經嬲到想打人，而喺呢個時候，辛度就咀咗拉菲爾摩拉條頸一啖（圖），拉菲爾摩拉即刻怒氣全消，成個人順晒！