林芊妤（Coffee）因廁格gathering被電視台怒炒，卻因禍得福工作接踵而來，本周《亂噏24》邀請到她上來暢談。節目今日起至周五每日播出兩集，讀者可於《蘋果動新聞》網頁觀看，或登入 http://bit.ly/appletalk24重溫，足本版於周四晚11時播出。
柳俊江對Coffee認識不深，節目甫開始便問她：「近況係點？仲有冇拍劇？」即換來Coffee藐嘴：「冇啦，拍乜嘢劇呀，潤我呀！」被無綫炒魷反而令Coffee曝光率激增，最近她又要登台、出席活動、傾廣告代言人，又要繼續教瑜伽，忙得不可開交，但她不想請經理人：「你問我使唔使經理人，我又驚俾人綁住嘅感覺。」柳俊江試探：「因為有經驗？有啲job你想做，但冇人幫你接？」Coffee無奈的說：「都係嘅。」
撰文：馮國康