股壇殼后、金利豐（1031）老闆娘朱李月華（朱太）噚日牛一，喺剛過去嘅星期六晚，佢喺澳門MGM酒店搞咗個生日party，筵開十幾圍，招呼200名親朋戚友。今次party主題係「豹」製之夜，顧名思義，主人家同嘉賓都穿上豹紋服飾，可謂霸氣十足。
朱生唱情歌冧爆
朱太喺股壇出名朋友多，唔少上市公司主席同行家都畀面出席，包括宏安（1222）主席鄧清河、亞視大股東兼昌興（803）主席黃炳均、香港證券學會會長李細燕等。
講到全場高潮，就不得不提朱生朱沃裕高歌一曲《Only you》，朱太聽到如癡如醉，兩人結婚差不多30年，依然可以咁sweet，真係羨煞旁人。