【訪問】
近年不少食肆因抵不住租金升幅而結業，想創業的年輕人又大嘆地產霸權扼殺特色小店的生存空間。來自美國的餐廳Dinner Lab就想打破租金限制，創辦人Brian Bordainick想到創立「快閃餐廳」（Pop-up Dining），以會員制方式經營，一周在美國不同城市營業兩晚，沒有固定的餐廳位置，每次以不同菜式、廚師舉辦晚餐活動，餐廳月入40萬美元。
記者：郭曉琳
原本在一間中學任職教師的Brian表示：「唔想自己嘅人生照住條path行落去」，缺乏資金的他前年在家鄉新奧爾良創立「快閃餐廳」，至今已在美國逾十個城市「快閃」。「我哋可以係一間美術館或者地盤享用晚餐，地點唔受任何限制。」雖然沒有實體店少了一批回流客人，但可省下固定租金和人工。
環境獨特 繳交入會費
除了給予會員獨特的環境用餐外，餐廳每晚的菜單都會略有不同。「我哋喺唔同城市都有兼職廚師，廚師可做自己拿手菜或自由發揮。」Brian指，他們每次都會收集會員的意見，集合成一個數據庫，廚師可根據數據改善菜式，故此餐廳命名為「Dinner Lab」，即一個給予廚師進行實驗的地方。「睇數據分析先知各地區需求都唔同，例如韓國菜喺新奧爾良評分高啲，普遍嚟講菲律賓同墨西哥菜較受歡迎。」
若要參加Dinner Lab晚餐活動，先要繳交100至200美元入會費，餐廳現今有逾萬名會員。會員可透過網上查閱即將舉行的晚餐餐單，以及報名。每次晚餐招待約100名客人，至少有五道菜式供應，並會附送餐酒，收費每人約60至85美元。「我哋走fine dining路線，所以畀到會費嘅客人先係目標客群。」以O2O（online to offline）形式經營，容易控制成本，「大概知幾多人參加先預備材料同確定用餐地點。」
來年盼打入加國市場
Brian早前應香港設計中心來港分享創業心得，訪問當日在中環PMQ元創方進行，他直言香港絕對有條件搞「快閃餐廳」。「PMQ已經係一個適合嘅地方，呢到人口密度高，容易吸納客人同搵廚師經營。」惟餐廳暫時未打算進軍亞洲，來年冀打入加拿大市場。