馬詩慧與大女王曼喜、細仔王躍穎及李樂詩昨日現身赤柱,出席港安醫院慈善基金活動。曼喜早前度過22歲生日,問到如何慶祝,她表示:「正日同朋友食飯,之後一個禮拜就同朋友去迪士尼,媽咪送咗個銀包,細佬就下載啲有意思嘅句子。」
問到躍穎是否多女友,他即笑晒擰頭,而媽咪馬詩慧表示:「未有一個承認係女朋友,係了解中,唔怕佢太早拍拖,都冇得好驚,呢個年代。」再問型爸有冇教兩招識女仔,躍穎表示:「佢話會,仲未教,得個講字。」在旁的馬詩慧指曼喜有教路,她表示:「佢都教唔聽,叫佢唔好主動,女仔鍾意玩遊戲,但佢心急。」
採訪、攝影:林嘉慈