張智霖（Chilam）與佘詩曼、古天樂及鄭秀文（Sammi）兩對舊緋聞情侶等，昨日在將軍澳出席新片活動，眾人分別穿上飛機師和空姐制服，不過Sammi不是演飛機師，只是演一位歌手，戲中造型有紋身，與鎮宇扮演情侶。有傳此片將會到英國和比利時拍外景，並會加插最近的空難事件，監製梁家樹否認說：「唔會拍呢啲，我哋只係拍一部空中浪漫開心嘅愛情片。」
古仔戲中與佘詩曼演一對，Chilam配郭采潔，Chilam戲中與阿佘對手戲不太多，昨日兩人碰面有傾有講，絲毫沒有尷尬。有傳老婆袁詠儀不滿Chilam與阿佘再度合作，Chilam昨維護太太否認：「其實通常另一半躺着都會中槍，對佢好唔公平，唔好將佢變成好惡嘅人，其實佢好溫柔。」
Sammi唔敢加片酬
問是否抗拒與阿佘合作？Chilam強調說：「絕絕絕對唔係！」他又指老婆刀槍不入，不會因報道不開心。至於與阿佘是否沒太多對手戲？他說：「希望幕後人解畫，因為行政上，正常人都知唔關事。」吳鎮宇在旁都幫口：「聽過幕後講，唔想搵佢同佘合作，因為呢個宣傳效果唔好，呢啲係觀眾問題，唔係私人上問題，我匿喺床底聽到嘅，但事實上我真係有咁聽過。」
古仔與Sammi這對舊緋聞情侶已是電影老拍檔，兩人十分老友，但現場兩人甚少交流。Sammi大讚戲中男演員穿着機師制服好有型，每個男星body都好吸引。問到Sammi接演這部戲是否提高了片酬收800萬？她說：「點解會高咗，三位男主角未加我豈敢加，分分鐘要減㖭。」對於有傳Sammi怕許志安呷醋，所以推了《五個小孩的校長》不與古仔合作，Sammi否認：「完全唔係，一直冇搵我傾。」
CEO難過空姐關
戲中另一對古仔與阿佘，多年前拍劇合作過，今次會有親熱戲，戲中古仔演航空公司CEO，遇上空姐阿佘後發生感情，問到阿佘性感尺度會否比陳法拉勁？她說：「秘密，我唔同人比較，唔係賣弄性感。」古仔笑言：「算喇，等佢大露背，我露埋前面，但會着褲。」
採訪：黃曉妍
攝影：仇志德
