Q1：假如伊波拉襲港，會有乜狀況？
A：政府會貫徹狼英風格，講大話隱瞞，叫高永文開腔：就我所知，本地冇個案。唔，沒有新的補充。
Q2：伊波拉病毒入侵的話，香港每日會損失多少億？會不會多過佔中所謂的十六億？
A：如果問誠哥，富貴如浮雲，他不會答。問貪湯，動輒買魚蛋牛雜都過千銀，對億億聲冇概念。問「張融」，嘿嘿，肯定說佔中衰過伊波拉！提出十六億那位教授幫口答：伊波拉有利醫藥股，係入市執平貨良機。佔中百害冇一利喎，你說，幫邊邊先！
Q3：伊波拉可疑感染個案會被隔離，撕毀政治中立面罩的高官，會不會夾硬將市民隔離，間接封殺佔中？
A：使鬼咁麻煩，到時中環班大老闆走晒佬，遮打道靜局過濕地公園，鬼影都冇隻，任佔。
Q4：一場沙士，導致七一50萬人上街，董建華腳痛落台。伊波拉又點睇？
A：…！…！！…！！！