記者進了大門，發現還要再穿過另一重門，才能進入報社，兩道門不能同時開啟。重重深鎖，卻不是銀行保險庫、不是富豪大宅，只是報社一間。走進《852郵報》報社，馬上想起了蔡東豪的公開信：「不是陌生，而是恐懼。」在白色恐怖瀰漫的香港，傳媒中人，忽然有一種隨時葬身字海的恐懼。
「我驚㗎，大家都係血肉之軀，唔知做到幾時。」《852郵報》創辦人兼總編輯游清源說。他說吸取了《獨媒》報社被破壞搗亂的教訓，不得不以雙重門保障員工安全與公司財產，但他說自己沒有蔡東豪所遇到的壓力：「我好彩，唔係財經人，經濟壓力唔大，而且好耐冇返大陸，又冇仔女。」
「香港大陸化好大鑊」
《852郵報》今年1月創刊，形象鮮明，以《信報》紀曉風專欄「獨眼香江」的班底，毫不留情品評時政。「我係積極嘅悲觀者，知道香港好大鑊，全面大陸化，共產黨全面接管香港。但好似我一個朋友咁講，大家面對黑暗，唔表示乜都唔做，我哋可以dancing in the dark（在黑暗中漫舞）。」游清源說。
報社全職人員九人，兼職三人。《主場》關閉後，《852郵報》瀏覽量瞬即彈升一倍，由原本每天平均20萬人次，激增至40萬。《852郵報》過往側重時事「短打」，即評論文章，較少即時新聞及博客文章，游清源說，為了「補番主場個位」，往後會多製作這兩方面的資訊。
他承認《852郵報》不可能完全取代《主場》：「《主場》嘅組合好特別，佢哋嘅消失，係冇人可以代替。只有蔡東豪可以做到咁嘅媒體，中環人buy佢，呢十年八年我都未見過。」但他相信《852郵報》仍有生存空間。
四個月籌80萬元贊助
游清源的信心，來自廣大讀者。他說《852郵報》過去四個月已籌得70至80萬元贊助，「贊助大部份來自一般人，每人$100，有十幾個捐$10,000。呢個唔係細數目，三唔識七都捐$10,000，佢哋包括香港人同海外華僑」。他曾經委託廣告代理評估，《852郵報》每月可以賺取約10萬元收入，連同平均每月約20萬元的贊助，以報社營運成本約20萬元計算，報社甚至可以取得微利。
「我仍相信香港人嘅公民意識，從我哋80萬贊助就睇得出。港人嘅主動性好高，佢哋想媒體講真話，新媒體唔使受大老闆壓力，可以講真話。」游清源對新媒體市場仍然樂觀，「因為主流媒體越來越不知所謂，佢哋網站瀏覽量排名都低過我哋，包括商業電台（210）、《南華早報》（162）、《香港經濟日報》（125）、《明報》（96）。香港人唔係儍嘅，特別係新一代讀者，主流媒體反佔中、抹黑泛民，令人反感」。
游清源說，他的積蓄連同借貸有700萬元，足夠讓《852郵報》營運兩年，「香港好多有心人，唔想出名，但默默咁支持我哋。如果呢兩年內《852》執笠，一定唔係錢嘅問題，你哋可以幫我立此存照。」