盛品儒早前偷啜𡃁模郭奕芯（Ashina）險出事，事後獲有米女友蔡一鳳原諒並求婚成功，兩口子隨即人前人後糖黐豆上身，昨晚二人現身金鐘，出席本地設計師何國鉦的婚紗騷活動，他笑言睇婚紗取經。問到訂了婚期日子，他表示：「應該係下年，邊日未決定到，其實我都未正式求婚，希望可以年底之前畀個驚喜對方，𠵱家準備中。」記者問到會否海陸空三地求婚，他表示：「應該會係海陸，未必有空。」盛表示會親自設計鑽戒，再問會否大排筵席，他表示：「未決定，我喺香港、澳門、上海都有親戚，唔使問屋企人，都大個仔。」
預支蜜月後返
此外，二人上午現身機場，原來盛品儒到上海公幹，順便與女友度假，戴墨鏡、穿短裙的蔡一鳳大騷長腿與穿Line卡通熊仔tee的盛品儒雙雙拖手甜蜜返港。盛品儒見到有記者採訪表現愕然，望住未婚妻蔡一鳳說：「應該唔係等我？」蔡一鳳則叫停盛品儒企定大方合照。問到盛品儒是否趁機在上海影婚紗相，他笑說：「唔係，梗係唔係喇。」其後，二人行到書店打書釘，盛品儒買了五、六本娛樂新聞雜誌後，便齊齊到的士站搭車。
採訪：張俊銘、藍文浩
攝影：沈健程、朱志聰、吳耀輝
