結唔成婚，可以做啲咩打發時間？丹麥網球手禾絲妮雅琪（圖），就決定去跑馬拉松喇。禾琪啱啱宣佈，將會參加今年11月舉行嘅紐約馬拉松；心水清嘅大家都記得，呢個時候佢本來應該會同佢位前高球手男友麥艾萊拉埋天窗，點知派晒帖先俾人飛，但係禾琪就強調，唔係想乘機逃離傷心地，只係佢一路以嚟，其實都好想參加馬拉松，而且佢又想藉呢個機會籌款做善事喎。