身兼全國人大代表的行政會議成員陳智思表示，已簽名支持反佔中。他解釋原因時「口窒窒」，「嗰個宣言純粹都係講我哋唔支持一個，即係…即係一個暴力嘅模式，支持普選。所以嗰個唔係一個比較，即係唔係一個比較，都算做但正路方式」。他指用佔中的方法迫使中央在政改上讓步，最終只會令中央對香港更加不信任。
稱令中央不信港人
陳智思昨指中央絕對擔心香港被外國勢力利用，選出對中央有對抗性的特首，「好多人仲叫緊口號要…要…要…要推翻共產黨，呢啲全部做法畀唔到佢信心香港人揀一個比較理性、亦能夠同中央合作傾到」。他認為官員和行會成員簽名反佔中沒有問題，佔中無法逼中央讓步，令中央更不信任香港，「用一個人數迫使中央政府就範，同一個道理，其他中國內地城市會唔會又咁做？」
陳智思指中央和香港多年缺乏溝通互信，現時挽救已太遲，對政改取得共識不樂觀。他認為，中央覺得國家安全比其他更重要。他指除了中央要給空間香港，香港都要給空間中央政府。