上季NBA總冠軍馬刺上周五宣佈，已經正式同控衞柏加（圖）續約，雖然佢哋冇公佈詳細內容，但據消息人士透露，柏加張新約係3年合同，價值4,330萬美元（約3.36億港元）；計番條數，每年平均都只係袋千零萬人工，呢個絕對係友情價。馬刺差唔多已經留晒成隊冠軍功臣，下季成班兄弟繼續一齊打天下，呢架32歲法國小跑車，喺宣佈續約後仲好興奮咁自稱一世馬刺人㖭。