在無綫已打滾20年，現年只不過是25歲的潘曉彤（Rachel），最終放棄童年夢想的演藝工作，去年決心投考國泰空姐，現已成功衝上雲霄，展開全新的空姐生活。前日，潘曉彤在微博宣佈正式離開：「二十年了，我為了過更好的生活離開了我長大的地方，this is one of the best decisions I have ever made。」從字裏行間，潘曉彤透露因為生活無奈，而放棄演藝工作，正式跟觀眾道別，並提及自己的婚訊。潘曉彤昨日透過WhatsApp表示因工作忙的關係，未能即時回覆。
冇錢途轉做空姐
潘曉彤因為《金枝慾孽(貳)》跟伍詠薇義結金蘭，對於好姊妹退出和婚訊伍姑娘都一清二楚，她說：「我梗係乜都知喇！我哋係金枝『六壯士』，上個禮拜約食飯，嗰日知佢訂婚，我哋幾個女仔都感動到眼紅紅。」潘曉彤由童星做起，經驗豐富，伍姑娘亦覺得可惜，她說：「佢幾好戲，但係做來做去都冇新角色，一路都掙扎緊，一方面想搵多啲錢，又奈何出面冇咁多out job。你知啦，公司咁多人，我估計係咁樣喇！佢好鍾意錢㗎！哈哈哈！係我話嘅，咁所以佢要生活，都咁多年，咪考空姐。」
伍姑娘透露潘曉彤與老外男友即將訂婚，她說：「有乜等佢公佈啦，祝福佢，等佢請飲，最緊要得到快樂，搵到真愛，事業心唔係太重，搵到真愛最緊要。」有否見過潘曉彤的男友？伍姑娘說：「見過喇，唔係中國人，不過唔記得佢乜嘢人，係very nice guy，佢兩個係一對活寶貝，所以我哋班女仔都好戥佢開心。」
採訪：楊潔雯
