同美國男籃集訓緊嘅明星控衞戴歷路斯（左），早兩日無啦啦爆料，話包括佢阿哥同經理人在內嘅幕後團隊同公牛班管理層不和，話自己只係選擇扮唔知；連公牛總經理柏臣都話，自己有咩都只係同路斯傾，從來唔會同佢嘅團隊討論，似係默認多過澄清喎。至於仲喺美國度假嘅阿仙奴球星奧斯爾（右）就去咗探美國男籃班，仲同路斯合照留影㖭。