承接上兩周講到韓星諸多要求，由於筆者從事傳媒業，不時會接觸各界公關。粉絲大多會認為偶像是nice爆人物，但事實與幻想未必成正比。要搵韓星工作首要條件是「cash」，不是單單寫張支票的銀紙，而是真金白銀一張張可以數的銀紙，講明一定要美金，貪不會貶值及世界通行，韓星出發前會先收一半酬金，到埗完成工作後就即拿美金走人。
至於到港工作期間，所有安排都要事前以合約形式列明，當中要清楚列明接受幾多間傳媒訪問、訪問要答幾多條問題、在甚麼地方訪問、着甚麼服飾、幾多人在場，一切都要寫得明明白白。如果中途有變動又即要在合約上附加條款，要求多得嚇怕人。一線韓星更絕對只會信任自己人，即韓國人，所以他們會攜同繙譯隨行，始終自己友，遇到唔like的問題，同鄉繙譯已率先作出適當過濾，藝人自然就不用面對刁難問題。
撰文：施洛冰