美國男籃周一開始集訓，備戰今個月尾嘅世界盃。據講K教練已經有個心水正選陣，呢幾日都特別練呢個由杜蘭特（KD）、保羅佐治、安東尼戴維斯、史堤芬居里同K艾榮組成嘅陣容。講起以前喺杜克大學嘅愛將艾榮，K教練就話一早知佢好波之餘又聰明。但係美國隊目前有個難題要解決，就係FIBA比賽專用籃球比平時NBA打開嘅跣手，連KD呢位超強得分王都嫌個波難射。