【地產霸權】
「呢度圍咗，嗰度圍咗，到最後一次，我哋都俾人圍。」過去兩年來，方泳棋到訪多次馬屎埔村，每來一次，都發現多了圍欄、少了土地。他去年在一塊荒廢的農地上製作裝置藝術，突遭一班工人驅趕，「指住我哋鬧，話呢度係私人土地」。工人繼而燒焊，圍網封地。看見農地被封，他終體會到村民抗爭的決心。
定居數十年 慘被逼走
馬屎埔村超過八成農地已被發展商恒基收購，囤積荒廢多年。他記得，兩年前初到馬屎埔村，部份農田只用繩圍起，豎立警告牌；今天全用上鐵絲網，有保安員看守，前往梧桐河的一段路，兩旁農地也全被圍封。他坦言，當日看見一班工人拿起鐵絲網、燒焊工具等「架生」，起初內心有些膽怯，但隨即起而反抗，「你憑乜嘢趕我哋走？」但擾攘一輪也要無奈離開。
「佢哋喺度生活咗幾十年，由阿嫲年代已經喺度生活，俾人咁樣趕走，好大衝擊」。方泳棋說以前只單方面接收政府資訊，「樓價貴、冇地方住，發展新界東北係唯一解決方法」。但親身入村，翻查資料，發現事實卻非如政府所言，「政府只揸住香港人缺乏屋住呢點嚟講，但村民住緊嘅地方又點呢？」
張詠渝坦言了解越深，反思越多，「社會係咪要咁單一發展，一定要將所有嘢推倒重來先係好？」他們把生態圖製成立體道具，上月27日到立法會聲援村民集會，當財委會主席吳亮星粗暴通過新界東北發展前期工程撥款，「嗰一刻，我都差啲喊」。她說有村民在台上叫喊，要用身體去保衞家園，她聽見想哭，更感恐慌，「好似件事（清拆）真係要發生，真係要用身體去面對堆土機」。這兩年來，她跟村民成為好友，一起保衞東北；來到今天，她不再政治冷感，「我係咪可以做多啲嘢呢？」
《蘋果》記者